Силно невреме проследено со ветер, пороен дожд и грмежи попладнево ги зафати Хрватска и Словенија.

Силниот ветер во Загреб откорна дрвја, а во некои делови беше прекинат трамвајскиот сообраќај и имаше проблеми во јавниот превоз, пренесуваат хрватските медиуми.

Во некои загребски населби паѓаше и град.

Слично невреме го зафати и Самобор, каде улиците беа побелени од град, пишува Дневник.хр.

v

Загрепскиот електричен трамвај (ЗЕТ) објави дека дел од трамвајската услуга е прекината откако дрво паднало на електричните кабли на трамвајската мрежа.

Државниот хидрометеоролошки завод на Хрватска издаде портокалово предупредување за регионите на Загреб, Осиек и Карловац, што укажува на опасни временски услови. Жолто предупредување е во сила за остатокот од земјата, кое предупредува на потенцијално опасни временски услови.

Студен бран ја зафати и Словенија и донесе ненадејна промена на времето, со силен северен и северозападен ветер што локално предизвика бури. Како што пренесуваат словенските медиуми, регистрирани се налети на ветер од над 70 километри на час, а во некои делови од земјата паѓаше и град.