По негативните критики за докментарниот филм „Слушни ме“, Слаткаристика се огласи со говор и ја раскажа својата приказна.

Говорот го даде вчера пред присутните за време на доделување на наградите „Лазаров“ и го искористи моментот на сцената за да испрати порака на поддршка до сите оние кои се борат за своето место под сонцето. Говорот го објави пејачката Тамара Волческа, а Слаткар го сподели.

„Не можат да ве убедат дека местото за кое сте гинеле со години, не го заслужувате. Но, вашиот талент е вашиот дар. Упорноста и храброста е вашата сила која ќе ве одведе на тоа место што го заслужувате“, рекол Марко Маринковиќ-Слаткар.

Проектот кој крена прашина во јавноста е документарниот филм со наслов „Слушни ме!“, во режија на Радован Петровиќ. Иако првично во јавноста се стекна впечаток дека станува збор за класичен биографски филм за Слаткар, филмот е замислен преку животот и искуствата на Слаткаристика да ја отвори исклучително важната тема за лицата со говорни и комуникациски потешкотии, како и за нивното место, борба и прифаќање во современото општество.

„Деновиве читам секакви коментари и вести. И повторно гледам колку лесно судиме, а половично знаеме или воопшто не знаеме.
Сакам една работа да биде јасна… ниту барав, ниту мене ми се доделени пари. Поддршка доби документарен филм и еден многу посветен тим кој веќе две години работи на приказна што преку мојот живот зборува за многу повеќе од мене.

И искрено сум благодарен на Комисијата од Агенцијата за филм која ја препозна важноста на оваа тема. Но, не сакам проектот кој зборува за разбирање, прифаќање и поддршка да започне со поделби. Затоа одлучивме филмот да се реализира без средствата доделени од Агенцијата за филм.

Продолжуваме понатаму… Заедно со сите наши поддржувачи, соработници и пријатели на кои сум им неизмерно благодарен.

И со најважната поддршка од вас луѓето кои ме сакаат, почитуваат и ценат. Светот ќе го чуе гласот на најтивките. Се гледаме на премиера“, напиша Слаткар октажувајќи се од парите.

Агенцијата за филм за биографскиот музички документарец на режисерот Радован Петровиќ и „ОХО продукција“ за проектот додели 1,5 милиони денари (24.000 евра) на Конкурсот на Агенцијата за филм.

Јавна поддршка му даде и сопругата, Сања Николиќ.

Поддршката за документарецот за Слаткаристика отвори дебата за критериумите во културата