Скутер Браун ѝ приредил посебно изненадување на својата девојка Сидни Свини, откако ја однел на њујоршкиот Тајмс сквер — место кое актерката, како што открил самиот тој, никогаш претходно не го посетила, пренесува „Пејџ сикс“.

 

View this post on Instagram

 

A post shared by Scott Braun (@scooterbraun)

Според објавата на Браун на социјалните мрежи, вечерта започнала со романтичен состанок во Њујорк, по што двајцата изнајмиле велосипеди и се упатиле низ градските улици кон една од најпознатите туристички локации во светот.

„Кога си во кревет во 23 часот, а девојката ти вели: ‘Никогаш не сум била на Тајмс Сквер…’“, напишал Браун покрај видеото што го споделил со своите следбеници.

На снимката може да се види како двојката вози велосипеди низ Њујорк, а подоцна и како Свини, облечена во син дуксер со качулка и очила за сонце за да остане непрепознатлива, ужива во хамбургер додека го разгледува градот.

Посетата на Тајмс Сквер за актерката била уште поинтересна бидејќи токму таму се прикажувала и нејзина рекламна кампања на огромен електронски билборд. Свини била снимена и како танцува на популарната песна „Њујоршка состојба на умот“ (N.Y. State of Mind).

Веста за нивното заедничко излегување доаѓа само неколку дена откако Браун првпат јавно проговори за нивната врска. Во неодамнешно интервју тој ја опиша актерката како „извонредна жена — љубезна, дарежлива, паметна, искрена и приземна“, додавајќи дека нивната романса е едно од најголемите изненадувања во неговиот живот.

Според странските медиуми, двајцата започнале врска минатата есен, откако се запознале на свадбената прослава на Џеф Безос и Лорен Санчез во 2025 година.