Денеска во осмото коло од Премиер лигата составот на Ливерпул со 0:5 триумфираше на гостувањето кај Ватфорд.

Мане во деветтата минута ја започна гол серијата на „црвените“, и со тој погодок Сенегалецот влезе во клубот на играчи кои постигнаа 100 или повеќе голови во Премиер лигата.

За Мане ова е јубилеен 100 гол во елитното натпреварување, а воедно му беше и шест на 10 мечеви во сите натпреварувања од стартот на сезоната. Покрај тоа одличниот напаѓач стана и третиот африкански фудбалер кој ја надмина границата од 100 голови во лигата.

100 – Sadio Mané has become the third African player to reach 100 goals in the Premier League, after Didier Drogba and Mohamed Salah. Centurions. pic.twitter.com/zTUyS00Gw0

— OptaJoe (@OptaJoe) October 16, 2021

Пред него тоа им успеа на интернационалецот од Брегот на Слоновата коска Дидие Дрогба од Челси кој на 254 натпревари постигна 104 голови и соиграчот на Мане, Египќанецот Мохамед Салах кој на 165 мечеви вкупно 103 пати се запиша во листата на стрелците.

На денешната средба Фирмино запиша хет-трик со голови во 37, 52 и 91 минута, а во 54 минута во мрежата на Фостер стрелаше и Салах.