Челси започнал преговори со Брајтон за трансфер на искусниот напаѓач Дени Велбек, пренесува „The Sun“.

Новиот менаџер на „сините“, Чаби Алонсо, сака да внесе повеќе искуство во својот тим, а се одлучил токму за 35-годишниот англиски напаѓач.

Велбек имаше одлична сезона во дресот на Брајтон, постигна 13 голови на 37 натпревари во сите конкуренции, а со своите настапи потсети на неговите најдобри денови кога го носеше дресот на Манчестер јунајтед, па дури и се доближи и до враќање во англиската репрезентација.

Иако Челси веќе располага со неколку напаѓачи, Алонсо смета дека на тимот му недостигаат искусни фудбалери кои ќе донесат лидерство и победнички менталитет.

Chelsea are exploring a move to sign Danny Welbeck from Brighton & Hove Albion.

The 35-year-old striker has 12 months left on his contract and Brighton are aware of the interest.

As a player and a leader, Welbeck appeals to Chelsea manager Xabi Alonso and — although the… pic.twitter.com/4R39lYnOuK

— The Athletic | Football (@TheAthleticFC) July 27, 2026

Во моментов на претсезонската турнеја низ Австралија и Азија повикани се Лијам Делап, Жоао Педро и Марк Гиу, додека Николас Џексон треба да му се приклучи на тимот во Хонг Конг по завршувањето на одморот.

Сепак, иднината на Џексон останува неизвесна. Астон Вила покажува сериозен интерес за сенегалскиот напаѓач, а Челси наводно бара околу 65 милиони фунти за неговите услуги.

Во меѓувреме, клубот летово го ангажираше и Емануел Емега од сестринскиот клуб Стразбур, но тоа не ја намали желбата на Алонсо да донесе уште еден напаѓач.

Според извештаите, шпанскиот стратег инсистира на поголемо искуство во соблекувалната, нешто што се виде и со неодамнешниот, но неуспешен обид да го ангажира Гранит Џака од Сандерленд, фудбалер со кого соработуваше при освојувањето на титулата во Германија.

Доколку преговорите со Брајтон завршат успешно, Велбек би можел повторно да заигра за клуб од „големата шесторка“ и би претставувал едно од најизненадувачките засилувања на летниот преоден рок.

ФОТО | Вардар тренираше во Рига, каде што утре оди по победа за продолжување на европскиот пат