ВИДЕО: Лејкерс славеше во дербито со Клиперси, Томпсон го урна Сакраменто во последната секунда
Во ноќта зад нас се одиграа голем број НБА натпревари. Видовме продолжување на доминацијата на кошаркарите на Далас во оваа сезона, кој го задржаа максималниот учинок (5:0) по мечот со Чикаго.
Никола Јокиќ и неговите Нагетс разочараа во Минесота, како и Мемфис во Јута (133:109), додека најмногу возбудувања можевме да видиме во Сан Франциско, каде Голден Стејт го победи Сакраменто со 102:101 и во Лос Анџелес, каде Лејкерс по три години и 11 последователни порази ги совлада Клиперс со 130:125. И тоа по продолженија.
Вориорси со поените на Клеј Томпсон во последната секунда донесе победа против Сакраменто.
KLAY CALLED GAME 😱
Wild ending to Kings-Warriors‼️ pic.twitter.com/TFYywJRK0y
— SportsCenter (@SportsCenter) November 2, 2023
Што се однесува до дербито во Лос Анџелес. Ниту таму не недостасуваше возбуда. Напротив. Гледавме интересен натпревар, полн со НБА ѕвезди. А, и покрај скратената ротација, на крајот посреќни беа Лејкерси кои се вратија од негатива од 19 поени за прва победа над градскиот ривал по три години.
Леброн Џејмс беше најефикасен во победничкиот тим со 35 поени, Ентони Дејвис и ДиАнџело Расел беа веднаш зад нив со по 27, додека на другата страна Кави Ленард и Пол Џорџ натпреварот го завршија со 38 и 35 поени.
CHRISTIAN WOOD SEALS IT WITH THE PUTBACK.
LAKERS WIN THE BATTLE FOR LA 🎬 pic.twitter.com/NsMcOEzYER
— NBA (@NBA) November 2, 2023
НБА лига, резултати –
Детроит – Портланд 101:110
Торонто – Милвоки 130:111
Атланта – Вашингтон 130:121
Бостон – Индијана 155:104
Мајами – Бруклин 105:109
Њујорк – Кливленд 89:95
Хјустон – Шарлот 128:119
Минесота – Денвер 110:89
Далас – Чикаго 114:105
Јута – Мемфис 133:109
Голден Стејт – Сакраменто 102:101
ЛА Лејкерс – ЛА Клиперс 130:125