ВИДЕО: Јанис е незапирлив, на Индијана и даде 50 поени
Актуелниот шампион во НБА лигата, Милвоки бакс со 128:119 ја совлада Индијана пејсерс и тоа благодарение на Јанис Адетокумпо.
Јанис натпреварот го заврши со 50 постигнати поени, а имаше и 14 скокови, додека Крис Милдтон постигна 19 поени. Кај Индијана, најдобри беа играчите кои минатата недела дојдоа од Сакраменто кингс, Бади Хилд и Тајрис Халибуртон. Хилд постигна 36 поени, додека Халибуртон 17 поени.
Расположен за игра беше и Тре Јанг кој ја носеше Атланта до победа од 124:116 над Кливленд.
Јанг натпреварот го заврши со 41 поен и 9 асистенции, додека Данило Галинари даде 25. Кај Кливленд најдобар беше Дариус Гарланд со 30 постигнати поени.
Далас иако губеше три четвртини против Мајами, на крајот успеа да дојде до победа од 107:99. Прво име во триумфот беше Лука Дончиќ со 21 поен и 10 скокови.
Резултати:
Атланта – Кливленд 124:116
Мајами – Далас 99:107
Филаделфија – Бостон 87:135
Минесота – Шарлот 126:120
Њу Орлеанс – Мемфис 109:121
Феникс – ЛА Клиперс 103:96