Португалецот им донесе уште еден триумф на „црвените ѓаволи“, но веројатно немаше да успее без ВАР технологијата. Бруно Фернандеш повторно е херојот на Манчестер јунајтед, со неговиот гол од пенал екипата на Оле Гунар Солскјер забележа победа против Вест Бромвич (1:0). Интересно е ова е првиот домашен триумф на Јунајтед сезонава во Премиер лигата.

Во 47 минута судијата досуди пенал за гостите, но ВАР ја промени таа одлука. Потоа, во 53 минута досуди пенал за Манчестер јунајтед, шутираше Фернандеш, а голманот Сем Џонсон успеа да го одбрани.

Но, од ВАР собата го информираа главниот судија дека Џонсон се поместил од линијата каде треба да стои пред да шутира Португалецот, па ударот од белата точка беше повторен, овојпат Фернандеш беше прецизен.

На табелата Јунајтед е на деветтата позиција со 13 бодови, седум помалку зад водечкиот Тотенхем кој денеска во дербито на колото во најсилната англиска лига славеше против Манчестер сити.

Претходно како дел од саботната програма Њукасл загуби од Челси (0-2), а Брајтон со резултат 1:2 беше подобар од составот на Астон Вила.

3️⃣ points at home ✅

? #MUFC
#️⃣ #MUNWBA@Chevrolet

— Manchester United (@ManUtd) November 21, 2020