ВИДЕО: Мурињо подобар од Гвардиола, Тотенхем е „гладен“ за титула!
Челси со гостинскиот триумф над Њукасл само за кратко беше на врвот, сега на истиот се наоѓа Тотенхем кој вечерва на домашен терен во Лондон беше подобар во дербито против Манчестер сити (2:0).
„Граѓаните“ со вториот пораз сезонава во Премиер лигата направија уште еден чекор назад кога е во прашање шампионската титула, моментно се дури на 10 позиција со 12 бода, дури осум помалку зад водечкиот состав на Жозе Мурињо.
Тотенхем дојде до шестиот триумф (трет по ред) со головите на Сон Хјунг-мин кој стрелаше уште во петтата минута по додавањето на Ндомбеле и Ло Селсо кој во 65 минута само што влезе успеа да ја затресе мрежата на Едерсон после асистенцијата на Кејн.
Во рамките од деветтото коло Брајтон славеше на гостувањето кај Астон Вила со конечен резултат 1:2.
Вечерва од 21.00 часот на „Олд Трафорд“ ќе се комплетира саботната програма со дуелот помеѓу Манчестер јунајтед-Вест Бромвич.