Фудбалерите на Баер Леверкузен ја остварија најубедливата победа во 14 коло од Бундеслигата. „Фармацевтите“ со 7:1 го декласираа Гројтер Фирт во натпревар на кој блескаше Патрик Шик.

Чехот постигна дури четири гола и со вкупно 12 гола на 11 натпревари во Бундеслигата се искачи на второто место на листата на најдобри стрелци, веднаш зад Роберт Левандовски од Баерн кој има 14 постигнати голови.

Баер поведе во 12 минута со голот на Адли, а пет минути подоцна Тапсоба зголеми на 2:0. Почесниот гол за Гројтер Фирт го постигна Дуџјак во 33 минута. Инкапе во финишот од првиот дел зголеми на 3:1, за во второто полувреме Шик да постигне четири гола за убедлив триумф на Баер Леверкузен кој сега е на третото место на табелата со 27 бода, четири помалку од Баерн и три од Борусија Дортмунд.

Хофенхајм влезе во победничка серија и против Ајнтрахт го забележа третиот триумф по ред. Ајнтрахт поведе во 15минута преку Бореа, но до крајот на првиот дел, Гајгер и Ритер прават пресврт. Самасеку во 59 минута зголеми на 3:1 за Хофенхајм, по што Пасиенсиа во 72 минута постигна гол за Ајнтрахт, кој немаше сили да дојде до израмнување.

Резултати:
Арминија – Келн 1:1
Аугсбург – Бохум 2:3
Баер Л. – Гројтер Фирт 7:1
Хофенхајм – Ајнтрахт 3:2
Мајнц – Волфсбург 3:0