ВИДЕО | Eзе со еврогол го врати Арсенал на победничките патеки, трката за титулата продолжува
Фудбалерите на Арсенал се вратија на победничките патеки откако денеска, во рамки на 34. коло, на „Емирати“ го совладаа Њукасл со 1:0.
Препорачано
Избраниците на Микел Артета со тоа ја прекинаа серијата од два последователни порази и повторно се искачија на лидерската позиција пред Манчестер сити. Сепак, имаат одиграно натпревар повеќе од „граѓаните“.
Домашниот тим ниту овојпат не блескаше, но до победата стигна уште во 10. минута, кога по убава акција Езе прецизно погоди во левиот агол за ерупција на воодушевување на трибините.
По раното водство се очекуваше поофанзивна игра, особено од домаќините, но под очигледен притисок тешко создаваа шанси и повеќе се насочија кон одбраната.
Во таков однос на силите, Њукасл се обидуваше да стигне до израмнување, а најблиску беше во 80. минута кога Виса од само пет метри не реализираше стопроцентна шанса. Арсенал возврати неколку минути подоцна, а Сака имаше можност во 81. минута, но неговиот удар заврши покрај голот.
