Американската актерка Ен Хатавеј присуствуваше на премиерата на нејзиниот нов филм „Мајка Марија“ во Њујорк, а за таа пригода избра прилично драматичен бел фустан направен од проѕирни мрежести ленти.

Хатавеј прошета по црвениот тепих во фустан од „Левер Котур“, кој беше направен од сјајни мрежести ленти. Овој фустан без ракави имаше високи ремени и страничен отвор.

Таа го комплетираше модното издание со сребрени чевли од „Кристијан Лобутин“ и накит од „Булгари“ украсен со 18-каратно бело злато. Носеше дијамантски и смарагдни обетки и прстени од препознатливата линија „Серпенти“ на брендот, кои заедно вредат над 100.000 долари.

@vanityfair #AnneHathaway takes a break from #TheDevilWearsPrada2 press tour to attend the NYC special screening of her new film #MotherMary ♬ sonido original – aryykim

На ѕвездата од „Мајка Марија“ ѝ помогна нејзината долгогодишна стилистка Ерин Волш, чии клиенти се и Селена Гомез и Алисон Бри.

Филмот, во режија на Дејвид Лоури, е опишан како „психосексуална поп-опера“ која комбинира елементи на драма, музика и психолошки трилер. Заплетот следи позната пејачка која повторно се поврзува со својата отуѓена пријателка и поранешна стилистка.

Ен Хатавеј искрено за борбата со изгледот на сопственото тело – „Некогаш се гледам во огледало и си велам, на што личи ова?“