Гитаристот Мартин Филиповски од музичкото дуо „Некст тајм“ и неговата сопруга, ракометарката Андреа Белеска, минатата година станаа родители на нивното прво заедничко дете – ќерката Лиана.

Денеска за музичарот и неговата сопруга е посебен ден, па затоа тој објави емотивно видео на својот инстаграм-профил и го одбележа првиот роденден на нивната ќеркичка.

Во видеото прикажани се заедничките моменти со малата Лиана во семејниот дом на музичарот.

„Една година бескрајна среќа“, напиша тој покрај видеото.

Оваа објава разнежни многумина, па во коментарите се нижеа роденденски честитки, посакувајќи и сè најубаво на Лиана.

Да потсетиме, Мартин Филиповски и Андреа Белеска стапија во брак во јуни во 2023 година. Тие направија црковна свадба во Кичево, родниот град на Белеска, а потоа и прослава во еден скопски ресторан.

 

View this post on Instagram

 

A post shared by Martin Filipovski (@martin_filipovski)

„Некст Тајм“ го промовираа новиот албум: Го посветуваме на нашите две мајки