Новата љубовна врска меѓу Кендал Џенер и Џејкоб Елорди можеби е една од најлошо чуваните тајни во Холивуд, но двајцата прават сѐ што можат за да ја задржат подалеку од очите на јавноста, за нивната романса да продолжи да се развива без дополнителен притисок, тврдат извори за „Пејџ Сикс“.

Во меѓувреме, Џастин и Хејли Бибер одиграле клучна улога во нивното запознавање, велат луѓе блиски до парот.

 

View this post on Instagram

 

A post shared by Aether Model (@aethermodel)

Триесетгодишната манекенка и дваесет и осумгодишниот актер, познат по серијата „Еуфорија“, првпат биле забележани како се бакнуваат на забавата што Џастин Бибер ја организирал за време на музичкиот фестивал „Коачела“ во април. Според изворите, нивното зближување било охрабрено токму од Биберови и нивниот круг пријатели.

Нејасна видео-снимка од нивниот бакнеж протекла до познат таблоиден профил, а оттогаш двајцата се труделе да избегнуваат фотографи и јавни појавувања заедно.

Но откако веста веќе излезе во јавноста, избегнувањето на папараците станало речиси невозможно. Тоа се покажа и на 16 мај во Лос Анџелес, кога Џенер и Елорди неуспешно се обидувале да ги сокријат лицата додека тој управувал со теренско возило.

На задните седишта се наоѓале и сестрата на Кендал, Кајли Џенер, како и нејзиното момче Тимоти Шаламе. Четворицата претходно биле на заеднички состанок.

Според извори, по неуспешните и многу експонирани врски со Бед Бани и Девин Букер, Кендал сакала што е можно подолго да ја развива врската со Елорди далеку од јавноста, наместо веднаш да ја претвори во медиумски спектакл.

„Таа знае дека колку повеќе една врска е изложена во јавноста, толку покомплицирана станува. Се обидува да има вистинска врска, наместо нешто што ќе биде јавен спектакл“, изјавил извор близок до Џенер за „Пејџ Сикс“.

„Таа сака тоа најпрво да биде нешто меѓу неа и нејзиниот партнер, а не меѓу неа, Џејкоб и јавноста.“

Друг извор за „Пејџ Сикс“ изјавил дека Кендал на забавата за време на „Коачела“ била „многу опуштена, повлечена и мирна“, но не можела да остане рамнодушна на шармот на Елорди. Сепак, никој не знаел кој го направил првиот чекор.

Претставниците на Кендал Џенер и Џејкоб Елорди не одговориле на барањата за коментар упатени од „Пејџ Сикс“.

Нов љубовен пар во Холивуд — Кендал Џенер и Џејкоб Елорди се во тајна врска два месеци