ВИДЕО | Доналд Трамп со палецот нагоре, кралот во „паника“ – хит видео од Белата куќа го обиколи свет
Претседателот на САД, Доналд Трамп, во понеделникот ги угости холандскиот крал Вилем-Александар и кралицата Максима во Белата куќа. Иако не стануваше збор за официјална државна посета, средбата не помина без протоколарен хаос кој веднаш стана хит на социјалните мрежи.
Препорачано
Вниманието на јавноста го привлече збунувачкиот момент за време на заедничкото фотографирање со Трамп и првата дама Меланија.
Имено, откако се ракуваа со американскиот претседателски пар, кралот културно се заблагодари за гостопримството. Меѓутоа, официјалното видео покажува како кралот и кралицата неколку моменти се мачат да сфатат каде точно треба да застанат за официјалната фотографија.
По кратка дезориентација, тие беа насочени да застанат десно од Трамп, подалеку од местото каде што првично стоеја блиску до Меланија.
President Donald J. Trump and the First Lady welcome King Willem-Alexander and Queen Máxima of the Netherlands to the White House. 🇺🇸🇳🇱 pic.twitter.com/QDu0krH96t
— The White House (@WhiteHouse) April 14, 2026
Најавено „историско“ гостување на кралот Чарлс Трети
Оваа средба се случува на само неколку недели пред долгоочекуваното доаѓање на британскиот крал Чарлс Трети и кралицата Камила. Трамп на својата мрежа „Truth Social“ веќе најави дека оваа „величествена државна посета“ ќе се одржи од 27 до 30 април.
„Со нетрпение го очекувам дружењето со кралот, кого исклучително го почитувам. Ќе биде фантастично“, објави Трамп.
Ова ќе биде прво доаѓање на кралот Чарлс во САД во улога на монарх, по речиси 20 години откако кралицата Елизабета Втора последен пат ја посети Америка во 2007 година.
