Нашиот политички врв навистина направи сериозни напори и со средбата со бугарските власти и со обидите да се најде едно решение, да се излезе од статус кво со Република Бугарија, состојба која е тешка за граѓаните и не е во нивен интерес, изјави за УБ пратеничката од ДУИ, Рина Ајдари.

„Граѓаните заслужуваат да има унапредување на ваквиот процес и унапредување на евроинтегративните процеси на нашата земја. Владината делегација пристапи со нови идеи нови предлози кои навистина се надеваме дека во текот на денот и наредниот период ќе ги прифати бугарската страна. Меѓутоа треба да се има предвид дека Бугарија има техничка влада и во моментот нема политичка тежина и политичка готовност за да преземе одговорност од овие размери односно да донесе политичка одлука и јас искрено се надевам дека во текот на следниот период со помош на нашите партнери и нашите сојузници од Брисел и Вашингтон ќе можеме сите заедно да придонесеме да се откочи целиот овој процес“, вели Ајдари. 

„Мислам дека нивните декларации сепак не се точни, сакам да потенцирам дека нашата владина делегација и нашата Влада пристапува најискрено и со голема верба дека ќе се изнајде решение и дека ќе имаме еден договор со кој ќе одиме напред со процесите“, изјави за УБ пратеничката од ДУИ, Рина Ајдари.

Целиот разговор со Рина Ајдари погледнете го во видеото: