Усвоено барањето на Маленко за промена на името на Пливачката федерација - Слободен печат
ОстанатoСпорт

Усвоено барањето на Маленко за промена на името на Пливачката федерација

Одделението за правни работи на ФИНА го извести Александар Маленко, дека го прифати и усвои барањето на ПФМ за промена на името.

Новото официјално име на Пливачката федерација на Македонија предводена од Александар Маленко ќе биде: Пливачка федерација на Северна Македонија или скратено ПФСМ. Ова е одлуката на Управниот одбор на ФИНА која ја донесе на седница одржана на 10 Јули 2019 година.

КАко што објавивме претходно, после завршувањето на СП, делегација на ФИНА ќе ги решава проблемите околу македонското пливање и кое е вистинското раководство.

Националната пливачка федерација на Македонија предводена од претседателот Александар Филипчев константно е во контакт со првите луѓе на светското пливање.

Македонија на СП во Гвангжу ќе ја претставуваат пет пливачи: Евгениј Поп Ацев во маратонско пливање, и пливачите Миа Крстевска, Ева Петровска, Филип Деркоски и Давор Петровски.

18. ФИНА Светско првенство во водени спортови во Јужна Кореја ќе се одржи во периодот од 12 до 28 јули 2019 година.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close