Жител на скопската населба Ново Лисиче попладнево бил искасан од глутница улични кучиња, кои го повредиле и бил пренесен во болница. Инцидентот се случил кај трговскиот центар „Лиса“, пишува во објава во фејсбук-групата „Општина Аеродром – Граѓанска патрола“

Граѓани кои сведочеле на ситуацијата повикале Брза помош, а искасаниот човек бил пренесен во Клиничкиот центар.

Граѓаните деновиве изразуваат загриженост и револт поради тоа што на улиците на Скопје се појавија невообичаено многу улични кучиња, кои се движат во групи слични на глутници и предизвикуваат чувства на страв и небезбедност.

Град Скопје најави дека деновиве ќе има засилени акции за заловување на кучиња-скитници, посебно во општината Карпош.

Скопските улици под нова опсада од глутници кучиња, во Карпош е најкритично