Во септември годинава во Македонија се регистрирани 132.999 туристи, кои оствариле 262.686 ноќевања, соопшти Државниот завод за статистика.

Од вкупниот број туристи, 24,6% се домашни, а 75,4% се странци. Од вкупно 262.686 ноќевања, 31,8% ги оствариле домашните туристи, а 68,2% странските.

Најголем број од странските туристи кои ја посетиле земјава се од Турција (32.950), од Србија (8.830), од Германија (6.615) и од Полска (3.577).

Во периодот од јануари до септември 2025 година, во споредба со истиот период лани, вкупниот број на туристите е зголемен за 5,8%. Кај домашните туристи има намалување за 1,4%, а кај странските има зголемување за 9,6%.