Американскиот милијардер и еден од најуспешните инвеститори на сите времиња, Ворен Бафет, рече дека среќата била клучен фактор во неговиот успех, поради што денес верува дека богатите луѓе имаат морална обврска да го вратат поголемиот дел од своето богатство во општеството. Претседателот на Беркшир Хатавеј во интервју за CNBC изјави дека се смета себеси за еден од најсреќните луѓе во светот.

– Мојата перспектива е следнава: од осум милијарди луѓе во светот, веројатно сум меѓу десетте кои биле најсреќни – рече Бафет.

Неговата нето вредност моментално се проценува на околу 147 милијарди долари. Бафет претходно нагласи дека својот успех го припишува не само на знаењето и работата, туку и на среќните животни околности. Како што вели, имал привилегија да се роди во Соединетите Американски Држави, да биде во добро здравје и многу рано да ја најде работата што ја сакал.

– Имав среќа да живеам до 95 години во добро здравје и сосема случајно открив што сакам да правам многу рано. Мојот татко имаше брокерска фирма и таму ги научив моите први лекции за инвестирање. Да беше мојот татко водоводџија, веројатно немаше да ја имам таа предност. Затоа се сметам за неверојатно среќен – рече Бафет.

Размислувањето за тоа како животните околности влијаат врз успехот го наведе Бафет да заклучи дека богатите луѓе имаат одговорност да им помогнат на оние кои немале исти можности. Уште во 2010 година, тој вети дека ќе донира 99 проценти од своето богатство во текот на својот живот.

Во текот на изминатите две децении, Гејтс донираше акции на „Беркшир Хатавеј“ во вредност од речиси 48 милијарди долари на Фондацијата, што би вредело околу 159 милијарди долари според денешната пазарна вредност. До крајот на 2034 година, тој ќе го распредели остатокот од своето богатство. Бафет објави оваа недела дека планира да ги распредели сите преостанати акции на „Беркшир Хатавеј“ што ги поседува, до 31 декември 2034 година.

Ворен Бафет: Берзата стана црква со казино