Трето место за македонскиот велосипедист Јованоски на последната етапа од трката во Србија
Даут Јемане од Еритреја (возач на британскиот Bike Aid тимот) е победник на 62 меѓународна Трка низ Србија која после четири етапи е завршена во Чачак. Севкупно на четирите етапи беа возени 650 километри, учествуваа 120 натпреварувачи од 20 екипи.
Второто место во генералниот пласман му припадна на Андре Ван Енгелен од Холандија, исто така член на гореспоменатата британска екипа.
А до третата позиција дојде Елиа Карта од Италија, член на словенечкиот Мебло јоги тим.
Последната четврта етапа стартуваше пред манастирот Милешева и беше возена до Чачак во должина од 156,5 километри.
Во спринтот на целта во Чачак славеше репрезентативецот на Босна и Херцеговина, Хусеин Селимовиќ пред Хрватот Виктор Поточки од словенечката екипа на Густо Љубљана, а трет заврши Димитар Јованоски од Македонија, натпреварувачот од унгарската екипа на Лотус. Резултатите од етапата можете да ги погледнете ТУКА
Севкупно Јованоски го освои шестото место, а во У23 категоријата дојде до втората позиција.