Тренерот на Серена нема дилеми: Федерер е совршен и неповторлив
Швајцарскот тенисер Рожер Федерер неделава по настапот на Лејвер купот идниот викенд и официјално ќе замине во пензија, поради што изминатите неколку дена постојано добива пораки со поддршка и воодушевување од спортскиот свет.
Последен кој му оддаде почит на освојувачот на 20 гренд слем титули е долгогодишниот тренер на Серена Вилијамс која исто така замина во пензија, Патрик Муратоглу. За Муратоглу, Федерер е уникатен и неповторлив тенисер.
– Мислам дека Рожер е најдобриот амбасадор што го имал тенисот го имал некогаш. Секој би сакал да може да игра тенис како него, но Рожер е единствен, оригинален. Никој никогаш не играл тенис како Федерер и никој никогаш нема ниту да игра бидејќи е невозможно. Федерер е премногу совршен за некој да се споредува со него. Тој е апсолутно совршенство во сè што прави, начинот на кој се движи, начинот на кој ја удира топката, бидејќи имате чувство сето тоа го прави со минимален напор – вели Муратоглу.
Според Французинот, борбеноста е клучот на успесите на Федерер.
– Рожер освои 20 гренд глем турнири бидејќи е воин. Секогаш се бореше за секој поен како да му е последен. Малку тенисери имаат таков менталитет. Благодарение на тоа, Рожер успеа да испише историја во овој спорт – додава Муратоглу.