Минатогодинешниот финалист на Австралија Опен, Доминик Тим, со победа го започна настапот на терените во Мелбурн парк. Третиот носител во првото коло го совлада Михаил Кукушкин во три сета (7:6,6:2,6:3) и е задоволен од прикажаната игра во првото коло.

– Ми беше потребно време да се адамптирам. Беше интересно бидејќи досега никогаш не сум играл против Кукушкин што е чудно бидејќи долго време сме професионалци. Бев нервозен на почетокот бидејќи три недели поминав во Аделаида, а сега играме во Мелбурн. Ми беше потребно време за да влезам во ритам – вели Тим.

Австралија Опен поради пандемијата на коронавирусот и со цел да се намали опасноста од евентуално ширење на вирусот, се игра без линиски судии и оваа одлука на организаторот му се допаѓа на Доминик Тим.
– Да бидам искрен, ми се допаѓа ова. Не треба никој да се навреди, но со технологијата не се случуваат грешки, и тоа е одлично. Кога ќе слушнеме дека е аут, навистина е аут. Мислам дека ова е чекор во вистинска насока – додава Тим.