Тенисерката која лани заработила 11,5 милиони евра, е на 294. место на ВТА листата
Ема Радукану едвај се појавува на терените, лошо е пласирана на ранг-листата, но, од парите од спонзорски договори е втора светска тенисерка по заработувачката
Британската тенисерка Ема Радукану (23) и покрај тоа што е рангирана дури на 294. место на ВТА листата, минатата година успеала да заработи над 10 милиони фунти (11,5 милиони евра).
Од таа завидна заработувачка, само 200.000 фунти (230.000 евра) и доаѓаат од наградите освоени на турнирите.
Радукану главниот извор на приходи го има од спонзорските договори со повеќе фирми.
Таа стана славна во 2021 година кога го освои САД Опен и оттогаш е постојано присутна во медиумите и на социјалните мрежи, а тоа влече и спонзорства.
Таа е во топ 10 на листата на најбогати тенисери на Форбс и втора жена со најголема заработка откако зарботи околу 10 милиони фунти.
Радукану е заштитно лице на минералната вода Евиан, на автомобилите Порше, а има договори со Вилсон, Најки, Водафон, Тифани…