Таткото на Меган Маркл, Томас Маркл, од болничкиот кревет упати очајнички апел до својата ќерка откако, поради компликации, му беше ампутирана ногата.

Пензионираниот директор за осветлување, 81-годишниот Томас Маркл, ја замолил својата ќерка Меган Маркл да го посети „уште еднаш пред да умре“. Томас во моментот се опоравува во болница на Филипини, каде што оваа недела му беше делумно ампутирана левата нога, пренесува „Њујорк пост“.

Тој исто така изразил надеж дека конечно ќе го запознае сопругот на Меган, принцот Хари, како и нивните две деца — шестгодишниот принц Арчи и четиригодишната принцеза Лилибет — „пред да биде предоцна“.

„Секако дека сакам да зборувам со неа, но не сум сигурен дали ова се вистинските околности“, изјавил Томас. „Секогаш кажував дека сум отворен за смирување со ќерката. Никогаш не престанав да ја сакам. Не сакам да умрам одвоен од Меган. Сакам да ги запознаам моите внуци, а би било убаво да го запознаам и нејзиниот сопруг“.

Томас за „Дејли мејл“ изјавил дека е „збунет“ од тврдењата дека ќерката му се јавила по тричасовната операција. Портпаролот на Меган претходно потврдил за „Пејџ сикс„ дека војвотката контактирала со татко ѝ за време на медицинската процедура.

„Можам да потврдам дека му се јавила“, изјавил портпаролот во петокот. Сепак, Томас Маркл тврди спротивно:

„Не го сменив бројот на телефон за Меган секогаш да може да ме контактира, но одговорно тврдам дека не се јавила“, изјавил Томас.

Извор од болницата исто така потврди дека немало никаква комуникација:

„Господинот Маркл е важен пациент. Секако дека знаеме кој е. Доколку Меган или некој поврзан со него ни се јавел, ќе знаевме. Сите бевме збунети кога ја видовме приказната дека војвотката му се јавила. Колку што знаеме, тоа не се случило. Би сакале да ја видиме овде на Филипини!“

„Секако дека сакам да зборувам со неа, но не сум сигурен дали ова се вистинските околности“, изјавил Томас. „Секогаш кажував дека сум отворен за смирување со ќерката. Никогаш не престанав да ја сакам. Не сакам да умрам одвоен од Меган. Сакам да ги запознаам моите внуци, а би било убаво да го запознаам и нејзиниот сопруг.“

Во петокот, сестрата на Меган, Саманта Маркл, на платформата Икс јасно ги демантирала тврдењата дека Меган контактирала со болниот татко.

„Салмонела Сасекс“: Меган Маркл повторно беше исмеана откако подготвуваше мисирка за Денот на благодарноста

Таткото на Меган Маркл сака интервју со Опра Винфри: Фотографиран како лично доставува писмо до водителката