Австралиската пејачка и текстописец Сиа, (47) за време на викендот, се омажи со своето момче Ден Бернад на интимна церемонија во вилата на Доменико Долче и Стефано Габана во Портофино, Италија., пренесува „Пипл“.

За интимната венчавка на која присуствувале само шест гости, вклучувајќи ги невестата и младоженецот , Сиа носела чипкан фустан во форма на сирена, со нежни детали. Нејзиниот сопруг се одлучил за светол смокинг со свилени детали. Двојката ги разменила заветите под железен свод украсен со прекрасни розови, виолетови, жолти и бели цветови. Надворешниот простор бил декориран со раскошни златни маси.

Не е јасно кога парот започнал да се забавува, бидејќи Сиа својата романса ја задржа во приватност. Таа во јавноста споделила само една фотографија со Ден, минатата година.