Мексиканскиот репрезентативец Хилберто Мора урна рекорд стар 96 години
Фудбалската репрезентација на Мексико го отвори Светското првенство на домашен терен со триумф од 2:0 над Јужна Африка, поставувајќи историски преседан на познатиот стадион „Ацтека“.
Препорачано
Хилберто Мора е единствениот играч кој не е полнолетен за тековното Светско првенство, а полнолетството ќе го прослави на 14 октомври. Селекторот Хавиер Агире му даде шанса на младиот играч од Тихуана во 66 минута, непосредно пред голот за конечен резултат.
Мексико учествуваше и на првото издание во 1930 година во Уругвај, па Мора стана најмладиот мексикански репрезентативец кој некогаш играл на Светското првенство, соборувајќи рекорд стар 96 години.
🇲🇽🚨 Gilberto Mora has become the youngest ever Mexican and the youngest ever North American player to feature at the World Cup finals.
Just imagine being Mora. 17-years old, playing for your country, at home, in the Estadio Azteca, and winning too.
This kid is living the… pic.twitter.com/8JDCJsIyw2
— Football Tweet ⚽ (@Footballtweet) June 11, 2026
Секако, човекот кој влезе во игра на 17 години и 240 дена не е најмладиот играч во историјата на светските првенства, бидејќи Норман Вајтсајд, Самуел Ето, Феми Опабунми, Саломон Олембе и секако Пеле се пред него на вечната листа.
Доколку, случајно, Мора постигнеше и гол на своето деби на Светското првенство, тој ќе беше веднаш зад легендарниот Бразилец Пеле, кој го постигна победничкиот гол против Велс во Шведска во 1958 година. Пеле беше еден ден помлад во однос на Мора кога стапна на теренот против Јужна Африка.
Кој знае – можеби талентираниот играч од средниот ред ќе го постигне тој подвиг, а во групата А следуваат нови два натпревари против Јужна Кореја и Чешка.
