Додека милиони навивачи ширум светот го следат почетокот на Светското првенство 2026 и секој потег на најголемите фудбалски ѕвезди, големо внимание привлекуваат и нивните партнерки.

Популарно наречени WAGs, што е акроним за „wives and girlfriends“ (во превод: сопруги и девојки), овие жени одамна не се познати само како сопруги или девојки на славни спортисти, туку како успешни претприемачки, пејачки, модели, новинарки и инфлуенсерки кои изградија сопствени кариери.

Георгина Родригез и Кристијано Роналдо

Свршеницата на Кристијано Роналдо, Георгина Родригез, веројатно е најпознатото име меѓу партнерките на фудбалерите. Нивната љубовна приказна започна во 2016 година, кога таа работела во продавница на „Гучи“ во Мадрид. Денес Георгина е успешна претприемачка, модел и ѕвезда на реалното шоу „Јас сум Георгина“ (I Am Georgina), кое се емитува на Нетфликс.

Антонела Рокуцо и Лионел Меси

Љубовната приказна на Лионел Меси и Антонела Рокуцо започнала уште во детството во аргентинскиот град Росарио. Парот се венча во 2017 година и има три сина. Антонела денес е успешна инфлуенсерка и амбасадорка на бројни модни и хуманитарни проекти, а важи за една од најследените жени во Латинска Америка.

Вања и Лука Модриќ

Иако ретко се појавува во медиумите, Вања Модриќ важи за најголемата поддршка на капитенот на хрватската репрезентација Лука Модриќ. Се запознале додека таа работела во спортската агенција „Мамиќ спорт“, а во брак се од 2010 година. Вања беше покрај Лука во текот на целата негова кариера – од Динамо и Тотенхем до Реал Мадрид. Парот има три деца и е познат по тоа што успешно ја чува својата приватност.

Изабел Хаугсенг Јохансен и Ерлинг Халанд

За разлика од многу партнерки на фудбалери, Норвежанката Изабел Хаугсенг Јохансен не гради кариера на социјалните мрежи. Таа и Ерлинг Халанд се познаваат уште од детството, кога заедно тренирале во младинските категории на клубот Брине. Нивната врска стана јавна дури откако Халанд се прослави на светската сцена, а во 2024 година добија син.

Мишел Лакроа и Кевин де Брујне

Сопругата на белгискиот фудбалер Кевин де Брујне е многу активна на социјалните мрежи и редовно го следи сопругот на најголемите натпреварувања. Двајцата се венчаа во 2017 година и се родители на три деца.

Ерика Чоперена и Антоан Гризман

Сопругата на францускиот репрезентативец Антоан Гризман по професија е детски психолог. Во брак се од 2017 година, а заедно се повеќе од една деценија. Иако понекогаш соработува со модни брендови, Ерика е позната по тоа што приватниот живот го држи далеку од јавноста.

Кејти Гудланд и Хари Кејн

Капитенот на Англија, Хари Кејн, е во брак со својата љубов од училишните денови, Кејти Гудланд. Нивната врска трае повеќе од две децении, а британските медиуми често ги посочуваат како пример за еден од најстабилните спортски парови.

Оријана Сабатини и Пауло Дибала

Оријана Сабатини не е позната само како сопруга на аргентинскиот фудбалер Пауло Дибала. Таа е успешна пејачка, актерка и модел, која со години ужива голема популарност во Латинска Америка. Благодарение на сопствената кариера, често привлекува исто толку внимание колку и нејзиниот сопруг.

Тини Стоесел и Родриго де Пол

Тини Стоесел е една од најпознатите латиноамерикански пејачки и има милиони обожаватели ширум светот. Во изминатите години беше во врска со аргентинскиот репрезентативец Родриго де Пол и важи за една од ретките жени поврзани со фудбалот која стекна глобална слава независно од спортот.

Мина Бонино и Федерико Валверде

Уругвајскиот репрезентативец Федерико Валверде е во долгогодишна врска со аргентинската спортска новинарка Мина Бонино. Нивниот однос често е под лупа на медиумите, бидејќи Мина беше препознатливо телевизиско лице уште пред да започне врска со ѕвездата на Реал Мадрид.

ВИДЕО | Шакира со спектакуларен настап го отвори Светското првенство