Стопанските комори на дневна основа ќе ги информира членките за мерките на Владата
Ова е момент за единство, за ангажирање на сите расположливи ресурси, максимална професионалност и посветеност порачува Стопанската комора на Македонија.
Стопанска Комората е во постојана комуникација со Владата и изразува целосна подготвеност за соработка.
Од таму додаваат дека потенцијалот на последиците не смее да се потцени, а нивната големина ќе зависи од подготвеноста на сите вклучени страни да преземат решителни и навремени чекори за минимизирање на можните негативни економски ефекти.
– На барање на Стопанската комора на Македонија, Владата ги задолжи сите министерства да формираат свои тимови, со посебна електронска пошта и телефонска линија на која ќе се даваат информации во однос на административните прашања во врска со спроведување на препораките и мерките за справување со КОВИД-19 за да може сите засегнати да се обратат со прашања кои ги засегаат, велат од комората.