Тим лекари од Клиничкиот центар на Србија соопшти дека има повеќе причини за оптимизам во врска со здравствената состојба на министерот за внатрешни работи Ивица Дачиќ отколку во претходните денови, објави „Блиц“.

Состојбата на пациентот и натаму е сериозна, но продолжуваат мерките на интензивно лекување, рекле лекарите.

– Врз основа на најновите анализи и параметри што се следеа, можеме да кажеме дека денес, повеќе отколку во претходните денови, имаме причини за оптимизам, иако состојбата на пациентот и понатаму е сериозна. Продолжуваме со преземање мерки за интензивно лекување – соопшти тимот лекари од Клиничкиот центар.

За потсетување, министерот за внатрешни работи Ивица Дачиќ беше примен во Клиничкиот центар на Србија во средата поради здравствени проблеми.

Тој е хоспитализиран во Универзитетскиот клинички центар на Србија, на Клиниката за пулмологија. По приемот, Дачиќ бил интубиран и ставен на респиратор. Тој има двострана пневмонија.

Во март минатата година Дачиќ јавно призна под каков притисок функционира, отворено зборувајќи колку е презаситен и дека, поради сето тоа, нивото на шеќер во крвта му се зголемило на загрижувачко ниво.

Покрај дијабетесот, Дачиќ пред три години откри дека имал и проблеми со срцето.

Дачиќ вечерва е итно примен во болница, го ставиле на апарати