Министерот за внатрешни работи на Србија, Ивица Дачиќ, бил итно хоспитализиран во Универзитетскиот клинички центар на Србија, објави Нова.рс.

Како што дознава Нова, Дачиќ бил сместен во УКЦ поради проблеми што ги имал со здравјето во претходните денови.

Локалните медиуми објавуваат дека му е дијагностицирана двојна пневмонија и дека неговата состојба значително се влошила во последните неколку часа, па е ставен на апарати.

„Ситуацијата e сериозна. Тој има тешка пневмонија. Моментално е на механичка вентилација, односно на респиратор. Ги прима најдобрите антибиотици и целата друга терапија. Со тој респиратор купуваме време потребно тие лекови да дејствуваат. Се бориме за неговиот живот“, рекол помошникот директор за пулмологија, Спасоје Повевиќ, пренесува Б92.

Дачиќ бил примен на Пулмологија околу 16:30 часот.

Според Попевиќ, рано е за прогнози.

„Се трудиме да ја стабилизираме неговата состојба. Се надеваме на најдоброто, се бориме“, рекол докторот.