3 C
Скопје

Србљак: Многу ми значи оваа титула, пресудна беше психичката спремност!

На терените на Тенискиот клуб „Југ“ – Скопје беше организирано Државното првенство на Македонија во машка и женска конкуренција, ЦЕВИТАНА ОПЕН 2020 во периодот од 24-27 септември 2020 година, поединечно и во игра на двојки.

Кај мажите најдобар беше Горазд Србљак (Тенниспарк) кој во финалето со резултат 2:1 во сетови 3:6, 6:3 и 6:4 го совлада Калин Ивановски (Југ).

На ниту еден тенисер не му успеал да поврзе четири шампионски титули по ред, тоа сега го направи Србљак (2017-2020). Претходно три трофеи во низа во првенството имаше Димитар Грабул во 2014, 2015 и 2016 година.

Во женска конкуренција во завршната битка Александра Симева (Тенниспарк) со 7:5 и 6:1 триумфираше против Ива Кузмановска (Југ). Во двојки Елдин Хусеиновиќ (МТП) и Иван Манасов (Неготино) во финалето ги победија Обрад Марковски (Неготино) и Лука Љубен Андонов (Југ) со 3:6, 6:3, 10:7.

Прочитајте и...  Македонија ги дозна ривалите во главната фаза на Мундијалот

– Оваа година на сите ни е јасно дека имаме различна сезона поради пандемијата. Имав многу помал број на официјални натпревари оваа година а тоа е најголемиот хендикеп за еден играч.

Со кратки припреми во Белград и Скопје ја почнав одбраната на титулата. Ова државно првенство пресудна беше психичката спремност.

Среќен сум што покажав ментална сила во полуфиналето и финалето и тоа беше клучно! Многу ми значи оваа титула, бидејќи во новата ера ниту еден тенисер не успеал да поврзе четири титули една по друга!

Во врска со останатиот дел од сезоната сеуште изготвувам планови за настап бидејќи потребни се посебни дозволи и тестови. Се надевам и верувам на успешно продолжување на интернационалната сезона со победи – ни изјави Србљак.

Прочитајте и...  Непотизам во Романија, синот на тренерот игра по 20 минути на секој натпревар

Србљак на патот до финалето во првото коло беше слободен, во второто не му дозволи ниту еден гем на Срѓан Спасеновски (МТП), потоа во четвртфиналето беше подобар од Стефан Мицов (Неготино) со 6:4, 2:6 и 6:1, а на претпоследната пречка при водство од 4:1 имаше службена победа, бидејќи поради повреда не можеше да продолжи неговиот противник Шендрит Деари (Југ).

Поврзани вести

Благотиншек: Имавме големи проблеми во минатото со Македонците!

Слободен печат

ВИДЕО: Поради неспортскиот потег Меси суспендиран на два меча!

Слободен печат

Рубин Хебај е првото зимско засилување на Шкендија

Слободен печат

Котески е наследникот на Бошковски на клупата на КЛ7

Слободен печат

Брестовац: Победата над Чиле може да биде позитивен знак

Слободен печат

ВИДЕО: Како изгледа карантинот пред Австралија Опен: Џогинг во соба, тенис без топчиња, фотелји

Слободен печат

Остави Коментар