Директорката на Државен санитарен и здравствен инспекторат Иринка Сотирова денес на прес-конференција објасни какви се правилата за самоизолација, откако и беше упатено прашање за тоа дали може да се скрати самоизолацијата за кумановскиот градоначалник Максим Димитриевски и дали се прекршени протоколите за средбата на државниот врв во Куманово.

-Протоколот за лекување на ковид позитивни лица кои се ставени на домашано лекување со одлука на ДЗСИ е јасен и прецизен – не може да се прекине се до извршување на решението. Протоколот во однос на лекување на пациенти позитивни е јавен и се наоѓа на страната на министерството за здравство, накратко сите пациенти кои се дијагностицирани кај кои инфектологот и епидемиологот одлучиле дека може да се спроведе во домашни услови, истото се потврдува со решение.

Тоа почнува со датата од денот кога е утврдена позитивноста и трае 14 дена. Првото тестирање е во домашни услови од екипа на центар за јавно здравје од општината во која е сместен пациентот. Потребно е во следните 24 до 48 часа второ тестирање, кое ќе биде на ист начин спроведено и доколку двата резултати се негативни, завршува лекувањето во домашни услови.

Доколку првиот е позитивен, решението за домашна самоизолација продолжува уште 7 дена. Истата постапка се повторува на 21 ден. Надзорот е завшрен на 18. 04, констатирани се одредени недостатоци. ДЗСИ само апелира дека сите лица мора да се придржуваат до препораките на комисијата за заразни болести за заштина опрема и социјална дистанца. Овојј предмет е завршен и предаден во мвр и министерството за здравство, рече Сотирова.