СДСМ денеска реагираше на најновиот Извештај за владеење на правото на Европската комисија, оценувајќи дека тој ги потврдува нивните претходни предупредувања за состојбите во правосудниот систем.

Од партијата тврдат дека во извештајот се нотираат проблеми поврзани со независноста на судството, влијанија врз работата на судиите и обвинителите и ризици од неказнивост.

-Европската комисија јасно укажува на слабостите во владеењето на правото и потребата од обезбедување целосно независен правосуден систем- наведуваат од СДСМ.

Опозициската партија оценува дека измените на Кривичниот законик и начинот на кој функционираат институциите создаваат услови за намалена одговорност за корупција и политичко влијание врз правосудството.

Од СДСМ го повикаа владејачкото мнозинство да ги спроведе реформите што ги бара Европската унија и да обезбеди независност на судството и обвинителството. Според нив, напредокот на земјата кон ЕУ е директно поврзан со исполнувањето на стандардите за владеење на правото.

Се разгледува нов механизам за пробив на патот кон ЕУ