Со „стотка“ се вратија насмевките во КК Куманово, доминација на Зивчевиќ
Денеска играчите на Куманово ја прекинаа поразителната низа со победа над Феникс 2010 со конечен резултат 103:98 во деветтото коло од Првата македонска кошаркарска лига.
Комплетната домашна прва петорка е „виновна“ за само втората победа на Куманово 2009 во девет одиграни кола. А прва по враќањето на Владимир Мирковски на клупата на кумановските „сино-бели’.
Неверојатно ефикасно прво полувреме одиграа Куманово 2009 и Феникс 2010. Во првото полувреме двете екипи заедно реализираа дури 111 поени. Од нив, рекордни во сезоната, 60 поени, даде домашната екипа која беше во очекување да стави крај на серијата на поразителни игри и на резултати во првите осум кола од првенството кои и ги натераа да направат промена на првата тренерска позиција на која повторно, за кратко време, застана Мирковски.
Најефикасни во домашниот триумф беа Ненад Зивчевиќ со 24 поени (осум скокови) и Стефан Глигоријевиќ со 20 поени (осум скокови). На спротивната страна Двејн Тикан Морган имаше „дабл-дабл“ учинок од 24 поени и 11 скокови, додека капитенот Андреј Митревски забележа 18 коша.
Во генералниот пласман Куманово е на 10 место со 11 бодови, два помалку од осмопласираниот Феникс 2010.
Шампионот МЗТ успешен со ТФТ, продолжува да го „брка“ лидерот Пелистер