7 C
Скопје

Случајот „Навални“ одложи француско-руски министерски состанок

Официјален Париз објави дека го одложува состанокот на министрите за надворешни работи и за одбрана на Франција и на Русија што беше закажан за 14 септември во Париз, поради напнатоста поврзана со труењето на рускиот опозиционер Алексеј Навални.

– Со оглед на сегашните околности и по размената со руските власти, беше одлучено да се одложи состанокот на француско-рускиот совет за соработка во врска со безбедносните прашања за подоцнежен датум, изјави портпаролот на француското Министерство за надворешни работи, Ањес фон дер Мил.

Претходниот состанок „2 + 2″ (надворешни работи и одбрана) меѓу Жан-Ив ле Дријан, Флоранс Парли, Сергеј Лавров и Сергеј Чојгу во септември во 2019 година во Москва го започна „стратешкиот дијалог” побаран од францускиот претседател Емануел Макрон. Шефот на француската држава, оценувајќи дека Русија гледа премногу кон Кина, тогаш вложи напори за ова приближување со цел да се обиде да внесе клима на попуштање во Европа и да го реши украинскиот конфликт, со новата студена војна со Москва во позадина.

Прочитајте и...  Македонски дипломатски активности во Брисел: Димитров и Османи „очи во очи“ со министрите за надворешни работи на Шведска и Финска

Наведениот дијалог, според признание на францускиот министер за вооружените сили, Флоранс Парли, засега не дава „опипливи резултати”. Предвидената посета на претседателот Макрон на Москва во наредните недели може да биде доведена во прашање и поради случајот Навални.

– Сè е можно, забележува француски дипломатски извор за париските медиуми.

Поврзани вести

Петров: Следува петти пакет мерки, 2021 е година за рестарт на македонската економија

Слободен печат

Бајден ја укина забраната трансродови лица да служат војска

Илинка Иљоска

Рокот за аплицирање е до 1 март: Стипендии за студии и истражувања во Словенија за академската 2021/22

Слободен печат

ЕК: Одговорите на АстраЗенека не се задоволителни

Слободен печат

ВИДЕО I Димитриеска-Кочоска до Петров: Манипулирате со една милијарда евра, ковид мерките се 344 милиони евра

Слободен печат

Италијанскиот премиер веројатно ќе поднесе оставка: Се надева на нов мандат

Илинка Иљоска

Остави Коментар