47-годишна скопјанка, незадоволна поради тоа што ја измамиле непознати луѓе на кои им дала 2.500 евра откако ѝ ветиле дека ќе ѝ средат за вработување во државна служба, сето ова го пријавила во полиција, соопшти МВР.

„На 13.05.2026 во 17:00 часот во СВР Скопје, 47-годишна жена од Скопје пријави дека во периодот од 04.05.2026 до 06.05.2026 таа и нејзиниот татко биле измамени од две лица за 152.000 денари. Според пријавеното, таа преку социјална мрежа и телефонски  стапила во контакт со едно женско лице и едно машко лице, кои биле и дома кај неа и ветиле дека ќе ја вработат во некоја од државните институции, за што во неколку наврати оштетените им дале пари. Но, бидејќи 47-годишната жена не добила вработување, случајот го пријавила во полиција. Се преземаат мерки за расчистување на случајот“, велат од полицијата, не наведувајќи дали и на самата пријавителка ѝ се заканува кривичен прогон, со оглед на тоа дека признала оти дала пари како поткуп.

Девојчињата кои ги злоставувал просветниот работник во Штип имале од 10 до 13 години