Тандара Каишета, бразилската одбојкарка непосредно пред полуфиналниот натпревар на Олимписките игри во Токио против Јужна Кореја е исфрлена од Олимпиското село.

Искусната коректорка веќе го напушти Олимпиското село и се враќа во својата земја, пренесува бразилскиот „Си-Ен-Ен“.

Како што информира Олимпискиот комитет на Бразил, прекршокот се случи на 7 јули во тест спроведен надвор од натпреварувачкиот период.

Откако бразилската анти-допинг агенција информираше дека Каишета „падна на тестот“, Олимпискиот комитет на Бразил донесе одлука одбојкарката да ја напушти националната репрезентација.

Во соопштението не е наведеко кој прекршок е направен ниту дали е позитивна одбојкарката на некоја недозволена супстанца.

Едно е познато, одбојкарките на Бразил денеска од 14.00 часот ќе играат полуфинале против Јужна Кореја, а победникот ќе игра за златото против САД.