Австралискиот тенисер Ник Кирјос им приреди шоу а навивачите за време на мечот во Хале кога се расправаше со судијата, со супервизорот на турнирот и на крајот го прозва и Рафаел Надал.

Кирјос во рамките на второто коло од турнирот во Хале, играше против Циципас, а откако го загуби првиот сет со 7:5 го искрши рекетот. Во вториот сет, Кирјос заигра подобро и веднаш направи брејк за водство од 2:0. Во наредниот гем, на сервис на Циципас, Кирјос при 0:30 тргна по својата крпа , но доби опомена од судијата поради пречекорување на дозволеното време. Тоа го налути Кирјос кој му одговори на судијата.

– Не ме интересира, јас секогаш чекам. Кога играм против Рафа, секогаш го чекам – прокоментира Кирјос.

I do think the chair umpire was quick to give Nick Kyrgios a time violation when he went to wipe his face with his towel, but it’s annoying when he acts like a baby and goes and sits down in protest.🎾 #ATPTour pic.twitter.com/Epi0cKBk65

— Matt (@JerseySuave4) June 15, 2022

Австралиецот потоа одби да го продолжи мечот и побара да дојде супервизорот на турнирот.

– Морам физички да одам до крпата. Секогаш кога јас сервирам, противникот не добил опомена за пречекорување на времетот. Дали мислиш дека тоа е разумна опомена – му рече Кирјос на супервизорот.

По неколкуминутен разговорот со супервизорот, Кирјор се смири и го продолжи мечот против Циципас и на крајот славеше во три сета и тоа со 5:7,6:2,6:4.