ВИДЕО | Шокантно сведочење на Џони Деп: Амбер ме удираше со тупаници, креветот ми го намачка со фекалии
Холивудското судење на векот, помеѓу поранешните сопружници Џони Деп и Амбер Херд продолжува, а деталите за ужасниот однос кој холивудската двојка го имала во текот на нивниот 15-месечен брак не престануваат да ја шокираат јавноста.
По приказната за отсечениот прст, Џони Деп продолжил со сведочењето и раскажал како Амбер му се одмаздила за една случка со тоа што извршила голема нужда во неговиот кревет. Сè се случило на денот кога актерката го прославила својот 30-ти роденден, а Деп задоцнил на прославата во својот стан во Лос Анџелес бидејќи бил на состанок со своите финансиски советници.
– Недостасуваа многу пари и сакав да знам што се случило. По 30 години во индустријата, бев шокиран од мојата финансиска состојба. Ѝ се јавив Амбер да ѝ кажам дека ќе доцнам, таа само ми рече да земам уште „трева“ и вино“ – изјавил актерот.
По вечерата во пентхаусот во кој живееле, Херд физички го нападнала Деп и тој ѝ рекол дека ја напушта. Деп вели дека таа збеснела и дека неколкупати го удрила по лицето, но дека тој не ѝ возвратил. Деп бегајќи од нејзиниот бес и напад, отишол да преноќи во куќа што ја има во другиот дел на градот.
– Следниот ден сакав да одам во пентхаусот да си ги земам работите и му реков на телохранителот да ме однесе таму. Знаев дека Амбер ќе оди на фестивалот Коачела со нејзините пријатели и дека таа нема да биде таму. Тој ми рече дека не е добра идеја да одам таму, а потоа куќната помошничка ми испрати фотографија од нашиот кревет. Изметот јасно се гледаше од мојата страна од креветот – рекол Деп.
Амбер подоцна се обидела да ги обвини своите кучиња за грозоморната случка, но актерот рекол дека изметот сигурно бил човечки затоа што едноставно имало премногу од него.
– Јас живеев со нејзините кучиња и им го собирав изметот, тоа се животни тешки по два килограми и нема шанси дека тоа излегло од нив – рекол актерот.
Johnny Depp’s reaction to the court finally getting to hear the audio tape in which Amber Heard admits to abusing him. #JusticeforJohnnyDepp pic.twitter.com/kdvII6mlss
— mary (@johnnyhellodepp) April 20, 2022
Тој на вчерашното рочиште изјави дека Амбер повеќепати се заканувала дека ќе се самоубие по нивните жестоки расправии.
– Херд спомна самоубиство во неколку наврати. Тоа е нешто што секогаш останува во вашата потсвест и нешто од што се плашите – рекол актерот и додал дека Амбер го спречувала секој пат кога сакал да замине и му велела дека ќе умре без него.
„Дури и кога ќе успеев да избегам, таа се појавуваш во ноќницата во три или четири часот наутро пред мојата куќа вриштејќи и плачејќи. Ситуацијата беше надвор од контрола“, рекол Деп.
Според неговите зборови, Амбер секогаш манифестирала потреба за кавга и насилство.
– Почнуваше со шлаканица. Со туркање. Со фрлање на далечинското за телевизор во мојата глава. Со фрлање чаша со вино во моето лице. Но, тоа беше константно – раскажал Деп.
“Why did you stay with Ms.Heard ?
I didn’t wanna fail, I didn’t wanna hurt anyone especially Ms.Heard, when my father left my mom she attempted to commit suicide and this visual lived in my head.
And Ms.Heard talked several times of committing suicide.” -Johnny Depp pic.twitter.com/mLGgrGxBOu— Sienna (@winonasrider) April 20, 2022
Деп бара од Херд отштета од 50 милиони долари бидејќи таа го нарече насилник во написот што го напиша за „Вашингтон пост“.
Џони Деп сведочеше против поранешната сопруга: Мојата цел е вистината
Пријател на Деп се расплака на суд: Многу луѓе се погодени од оваа злонамерна лага