Ќерката на актерот Томи Ли Џонс, Викторија Џонс, која неодамна почина на 34-годишна возраст, можеби била бремена во времето на нејзината смрт.

Оваа информација наводно произлегува од судските документи поднесени минатата година. Во документите, датирани од октомври 2025 година, добиени од „Ју-сс викли“, се наведува: „Адвокатот е известен и верува дека г-ѓа Џонс е бремена“.

Документите се поврзани со претходното апсење на Викторија за јавно пијанство. Пред нејзината смрт, таа се соочи со повеќе обвиненија за јавно пијанство и отпор кон полицаец. Џонс се изјасни за невина по тие обвиненија.

Во документите, нејзиниот правен тим посочи на можноста за прифаќање на условите за пренасочување. Програмата за пренасочување ги поврзува обвинетите што ги исполнуваат условите со третман, вработување и судски надзор за да се справат со основните причини за нивните проблеми. Со успешно завршување на програмата, обвинетите можат да избегнат казна.

Моментално не е познато дали Викторија била бремена и во времето кога била пронајдена мртва во хотелската соба во Сан Франциско на Нова Година.

Да потсетиме. по смртта на Џонс, нејзиното семејство побара приватност во соопштение.

– Ја цениме целата љубезност, мисли и молитви. Ве молиме почитувајте ја нашата приватност во ова тешко време –  изјавиле тие.

Официјалната причина за смртта на Викторија Џонс сè уште не е позната.

Детали за смртта на ќерката на Томи Ли Џонс: Гостин ја нашол на подот, вработените се обиделе да ја реанимираат