Шкупи ремизираше со резултат 2:2 против украинскиот клуб на Мариупол на летните подготовки кои што се одржуваат во турскиот Болу. Поведоа Украинците уште во третата минута со погодокот на Јаворски, а израмни Јусуфи во 18 минута.

Одново Мариупол беше во минимална предност преку Чех (39`), но чаирчани не дозволија пораз благодарение на голот на Илиевски (59`).

Стартниот состав на Шкупи за денешниот дуел против Мариупол: Мифтари, Георгиевски, Илиевски, Адили, Исмаили, Бајрами, Диак, Исени, Сержо, Гвидиаби, Јусуфи.

Според најавите наредната контролка во Турција тимот од Чаир ќе го има за два дена против романската екипа на ЧСМ Политехника. Претходно триумфираа над босанскиот состав на Челик Зеница (1:0).

Ова ќе биде и последен тест за фудбалерите на Каран пред двомечот против ерменскиот Пјуник во првото квалификациско коло на Лига Европа.

Потсетување дека првиот дуел ќе се игра во Ерменија на 11 јули (15.30 часот), а реваншот е седум дена подоцна на Националната арена „Тодор Проески“ – Скопје од 20.30 часот.