Пејачката Селин Дион сè уште не го одржала првиот концерт од својата долгоочекувана концертна резиденција во Париз, а веќе најави нови настапи и за 2027 година.

Дион ја прошири својата концертна серија со уште 10 дополнителни датуми во арената „Парис Ла Дефанс“.

Новите концерти ќе се одржат на 8, 12, 14, 15, 19, 21, 22, 26, 28 и 29 мај 2027 година.

 

View this post on Instagram

 

A post shared by Céline Dion (@celinedion)

Првите концерти од резиденцијата се закажани од 12 септември до 17 октомври годинава и ќе бидат нејзини први целосни настапи пред публика од 2020 година наваму.

За обожавателите кои претходно се регистрирале за претпродажба на билети, но не успеале да обезбедат место, ќе биде отворен посебен продажен термин во кој повторно ќе можат да се обидат да купат билети. Тие ќе добијат дополнителни инструкции преку електронска пошта.

Враќањето на Селин Дион на сцената во Париз има и силна симболика. Нејзиниот прв јавен настап по објавувањето на дијагнозата за синдромот на вкочанета личност беше токму во француската престолнина, за време на церемонијата на отворањето на Летните олимписки игри 2024, кога настапи кај Ајфеловата кула.