Родителите на децата згрижени во градинките во општина Карпош ќе плаќаат повисока цена отколку досега, односно месечниот престој на нивното дете ќе ги чини 2000 денари.

Општинскиот Совет на денешната седница го усвои предлогот за зголемување на цените за згрижување и престој на дечињата во предучилишните установи на територија на Карпош.

Досега месечната претплата изнесуваше 1.490 денари, а отсега за целодневен месечен престој за дете до 6 годишна возраст ќе се плаќа 2.000 денари, а истиот месечен надомест ќе изнесува и за престој и исхрана на дете од 6 до 10 годишна возраст. Како што беше констатирано, поради зголемените режиски трошоци и континуираниот пораст на цените на прехранбените производи, неопходна беше ваквата корекција на месечната партиципација во градинките, која ќе резултира со подобрување на квалитетот на услугите кои ќе ги добиваат најмладите карпошани – соопштија од Карпош.