Бугарската влада ќе побара од парламентот одобрение да се сместат 8 американски авиони танкери во воената база „Безмер“, најави денеска премиерот Румен Радев, откако претходно нивното стационирање на цивилен аеродром предизвика контроверзии во земјата, објави БГНЕС.

„Вашингтон на 17 јули побара авионите кои служат за поддршка на американските воени операции на Блискиот Исток, да се стационираат во воениот објект Безмер“, рече Радев на годишната конференција на бугарските амбасадори во Софија.

Радев нагласи дека одлука на претходната влада авионите да се стационираат на цивилниот аеродром во главниот град Софија, била донесена без претходно парламентарно одобрение.

По реакциите во јавноста, овие авиони, кои главно се користат за полнење гориво на други авиони во воздух, минатиот месец ја напуштија таа локација.

„Проблемот беше што воените авиони беа стационирани на цивилен аеродром во непосредна близина на Софија. Затоа им предложивме на нашите сојузници да користат воени аеродроми“, рече Радев.

Воената база „Безбер“ се наоѓа околу 260 километри југоисточно од Софија.

„Нема сфери на влијание“: Бугарија останува цврсто во ЕУ и во НАТО, тврди шефицата на дипломатијата