Српскиот претседател Александар Вучиќ најави поддршка за државјаните на Србија кои сакаат да се вратат од странство и повторно да живеат и работат во земјата, пренесе Н1.рс.

Тој нагласи дека државата ќе подготви програма за субвенции и поддршка за граѓаните кои живеат во странство, а сакаат да се вратат во Србија.

Вучиќ вели дека најчесто се враќаат пензионери, но дека има и помлади семејства кои размислуваат за враќање. Според него, целта е да се поттикне преселување назад во земјата и да се помогне на оние кои сакаат повторно да го изградат животот во Србија.

Инаку, хрватската влада веќе неколку години спроведува мерки за враќање на иселениците и нивно вклучување на домашниот пазар на труд. Преку програмата „Ја избирам Хрватска“, повратниците што ќе започнат сопствен бизнис можат да добијат еднократна помош од 7.000 евра, покрај другите субвенции за самовработување. Одделно, за повратниците што најмалку две години живееле во странство е предвидено и петгодишно ослободување од данок на доход од плата. Со овие мерки, Загреб се обидува да го ублажи недостигот од работници и штетата од долгогодишното иселување на населението.

Владата ќе ги враќа младите иселеници со бонус од 10 отсто на грантовите за самовработување

Хрватска живее од парите што и ги испраќаат иселениците