Пензионираната универзитетска професорка и активистка за човекови права, Мирјана Најчевска, преку социјалните мрежи ја осуди средбата на министерот за надворешни работи, Тимчо Муцунски, со неговиот израелски колега Гидеон Сар. Најчевска вели дека Македонија е потписничка на Римскиот статут и со тоа ја признава надлежноста на Меѓународниот криивчен суд, кој има распишано потерница по премиерот на Израел, Бенјамин Нетанјаху, кој е осомничен дека наредил да се спроведе геноцид врз Палестинците во Газа.

Оттаму, смета професорката, против Муцунски треба да се поведе постапка за соработка со режим кој е обвинет за геноцид, што е посебно кривично дело во македонскиот Кривичен законик.

„Бидејки ние сме потписнички (https://asp.icc-cpi.int/…/states-parties-chronological…) на Римскиот статут (https://www.ohchr.org/…/rome-statute-international…) со што ја прифаќаме надлежноста на меѓународниот кривичен суд кој има распишано потерница по премиерот на Израел, како и повеќекратните објави на ООН за акт на геноцид од страна на властите во Израел врз палестинското население (https://www.ohchr.org/…/israel-continues-commit…) (https://www.un.org/…/09/a-hrc-60-crp-3-infographic.pdf), би требало ЈО да поведе постапка против Муцунски за соработка со режим кој е обвинет за геноцид според член 407а од нашиот Кривичен законик. Ова е сериозно нарушување на угледот на Македонија за кое треба да се формира посебна анкетна комисија во Собранието која ќе го истражи случајот и ќе му предложи на Собранието соодветна реакција“, пишува Најчевска во објава на „Фејсбук“.

Таа уште обвинува и дека Муцунски со одржувањето пријателски односи со сторители на геноцид, го крши и Уставот.

„Тоа што нашиот министер воспоставува пријателски односи со сторители на најтешки злочини против човештвото е прекршување на Уставот и на основните вредности на нашиот правен и политички систем. Во моментов се срамам што сум Македонка и државјанин на држава која поддржува и оправдува геноцид, тортура, најбестијално измачување и убивање на луѓе и систематско убивање на деца. НЕ ВО МОЕ ИМЕ“, додава Најчевска во објавата.

Муцунски, кој е во посета на САД, пред неколку дена на „Фејсбук“ објави фотографија со шефот на израелската дипломатија, Гидеон Сар, во објавата наведувајќи дека ја потврдиле „одличната билатерална соработка меѓу двете земји“, како и дека се согласиле дека „во периодот што следи треба да работат на целосно искористување на потенцијалите за унапредување на политичкиот дијалог, како и на соработката во областа на економијата, трговијата и инвестициите“

На ова реагираше и граѓанската иницијатива „Сите за Палестина“, оценувајќи дека ваквите контакти се спротивни на, како што велат, ставовите и барањата на македонската јавност поврзани со геноцидот во Газа.

Од иницијативата посочуваат дека Муцунски по средбата информирал за потврдена „одлична билатерална соработка“ меѓу Македонија и Израел, како и за планови за унапредување на политичкиот дијалог и соработката во областа на економијата, трговијата и инвестициите.

„Бидејќи нема слух за своите граѓани, уште еднаш јавно го потсетуваме дека Македонија е членка на Меѓународниот кривичен суд (кој уште во ноември 2024 година издаде налози за апсење на израелскиот премиер Бенјамин Нетанјаху и поранешниот министер за одбрана Јоав Галант за наводни воени злосторства и злосторства против човештвото, вклучително и гладување како оружје за време на војна – а што прават нашите „делегати“? се сликаат и состануваат со директни соучесници на овие воени криминалци“, наведоа од граѓанската иницијатива.

„Место на радост и смеа за децата“: Муцунски отвори игралиште, донација од Израел