Од вирусот Западен Нил, кој беше кобен за Мира Фурлан, само 1% од луѓето развиваат тешки симптоми

Instagram

Иако официјалната причина за смртта на познатата актерка Мира Фурлан сè уште не е соопштена, хрватските медиуми пренесуваат дека добиле информација од извор близок до актерката дека таа долго време боледувала од вирусот Западен Нил, кој и бил пренесен од заразен комарец.

Последната објава на Мира Фурлан: Ноќта е ведра и Млечниот пат се чини толку близу. Таму наскоро ќе појдам

Тој вирус се пренесува на луѓе и други цицачи со убод од заразен комарец, но тој не се пренесува од човек на човек. Болеста се појавува во летните и есенските месеци, а кај луѓето во 70-80 проценти од случаите поминува без симптоми.

Во околу 20% од случаите, болеста се манифестира со симптоми слични на грип, како што најчесто се треска, главоболка, истоштеност и болка во мускулите и зглобовите.

Мира Фурлан починала од последици на вирусот Западен Нил

Само 1% од пациентите можат да развијат посериозна манифестација на болеста доколку вирусот го зафати централниот нервен систем и своевремено развие симптоми на менингитис или енцефалитис, односно воспаление на мозокот.

Постарите луѓе кои веќе имаат други хронични заболувања како дијабетес, хипертензија, хронично заболување на бубрезите или имуносупресивните лица се изложени на поголем ризик од заболување од оваа болест. Пациентите се третираат симптоматски и повеќето од нив се опоравуваат без трајни последици.

Овој вирус е редок во Европа, но во последните неколку години има зголемување на бројот на случаи.

ФОТО+ВИДЕО | Турбулентниот живот на Мира Фурлан: Не сакаше да се откаже од човекот кој засекогаш го освои нејзиното срце

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот