ФОТО+ВИДЕО | Турбулентниот живот на Мира Фурлан: Не сакаше да се откаже од човекот кој засекогаш го освои нејзиното срце

Познатата актерка Мира Фурлан, беше меѓу најубавите жени на поранешна Југославија и без оглед на сѐ, не сакаше да се откаже од човекот кој засекогаш го освои нејзиното срце. За нејзиниот живот се пишуваше и се зборуваше претходните децении, а таа никогаш не го криеше фактот дека напуштањето на овие простори го гледаше како единствено решение за време на немирите што го зафатија регионот.

Мира Фурлан во „Циркус Колумбија“/Profimedia

Целиот регион ги помни нејзините улоги во некои од култните југословенски филмови и серии- „Татко на службен пат“, „Од злато јаболко“, „За среќа се потребни тројца“, „Вук Караџиќ“, „Филм без име“, „Шпион на потпетици“, „Браќа по мајка“…

Во далечната 1986 година, Мира го запознала српскиот режисер Горан Гајиќ, со кого наскоро започнала врска.

Прочитајте и...  Необичен љубовен триаголник: Руперт Еверет шест години бил во врска со мажена жена, иако е хомосексуалец
Мира Фурлан во „Изгубени“/Profimedia

Во една прилика Мира раскажа како режисерот ја освоил.

„Се качи на јарболот на бродот што нѐ возеше од Хвар до Вис. Гледајќи го како се држи до високиот јарбол со една рака, сфатив дека тој е човек кој не се плаши. Конечно, си реков. Моите средби со луѓе од спротивниот пол досега беа претежно средби со целосно преплашени мажи. Паничниот страв од жените е исто така извор на насилство врз жените што ги обележува овие области“, рекла Фурлан.

Instagram

Бидејќи поради љубовта живеела на релација Белград-Загреб, хрватските медиуми во раните 90-ти ја обвинуваа дека се приклонила кон Србија и објавуваа текстови во кои ја нарекуваа предавничка. Мира често посетувала психијатар, поради што била изложена и на јавни осуди.

Прочитајте и...  Интересни факти за 8 Март, Денот на жената
Мира Фурлан во „Циркус Колумбија“/Profimedia

Ја отпуштиле од Хрватскиот народен театар ѝ го одзеле станот што го наследила од нејзината баба и добивала по 50 смртни закани на ден. Поради се со што се соочиле, во 1991 година Мира и Горан биле принудени да се иселат во Белград, од каде што заминале за САД. Како што пишуваа медиумите, во тоа многу им помогнала Милена Дравиќ.

Мира Фурлан во „Babylon 5“/Profimedia

Кога пристигнале во САД, работеле сѐ за да преживеат. Горан работел како доставувач, асистент на монтажа и монтажер, а Мира како келнерка, продавачка и преведувачка. Се заколнале на вечна љубов и го добиле синот Марко Лав.

Во САД, Мира брзо почнала да создава кариера, што ѝ одело од рака.

Глумеше во 110 епизоди од научно-фантастичната серија „Вавилон 5“ од 1994 до 1998 година.
Во периодот од 2004 до 2008 година, глумеше во американската серија „Изгубени“, која постигна планетарен успех.

Прочитајте и...  Колку чини денес вистината? Опра интервјуто со Меган и Хари го продала за 9 милиони долари!

Наскоро доби исклучителна репутација во Америка, а во 2014 година доби понуда да предава на филмската академија во Лос Анџелес, а потоа и на филмската академија во Њујорк.

 

View this post on Instagram

 

A post shared by filmnatv (@filmnatv)

Мира Фурлан починала од последици на вирусот Западен Нил

 

Почина актерката Мира Фурлан

Поврзани вести

Не постои пооригинална честитка за 8 Март: Најубавите цитати за жените што ги смислиле големите писатели

Слободен печат

Многу изненадувања за 8 Март со myWorld

СП.

Објавена листата со пејачи кои ќе настапат на доделувањето на Греми наградите

Слободен печат

ФОТО | „Ова е сатанизам“: Северина ги вознемири верниците – Цел викенд враќаше на навредливи коментари

В.Т.

ВИДЕО | Румена Бужаровска: Жените читаат повеќе и сакаат да се идентификуват со женски ликови во книжевноста

Александра Бубевска

Колумна на Виолета Михајловска: Правата на жената низ историјата и денес

Остави Коментар