Камео сцена со американската актерка Сидни Свини е отстранета од финалната верзија на продолжението на филмот „Ѓаволот носи Прада“, пишува „Ентртејнмент викли“.

Откако актерката беше фотографирана кон средината на 2025 година како оди на снимањето на долгоочекуваното продолжение на „Ѓаволот носи Прада“, во кое глумат Ен Хатавеј, Мерил Стрип, Стенли Тучи и Емили Блант, почнаа да кружат гласини дека ѕвездата ќе се појави во самиот филмски проект.

Американското списание потврди, повикувајќи се на информиран извор, дека Свини глуми во камео сцена што требаше да се појави на почетокот на продолжението, но „креативната одлука“ беше целосно да се изостави тој дел.

Според изворот, сцената не се вклопувала структурно со остатокот од заплетот, а тимот што работел на филмот ѝ бил благодарен на Свини за нејзиното учество, што ја отежнало одлуката за отстранување на сцената.

Претставниците на компанијата „Дизни“ и самата Свини не одговорија на барањето за коментар.

Продолжението на филмот „Ѓаволот носи Прада“ ќе биде во кината од 1 мај.

Ким Новак не сака Сидни Свини да ја глуми на филм: „Премногу е секси, сосема е погрешен избор“